Չինաստանը սկսել է թռչող տաքսիների կոմերցիոն շահագործումը

Չինական EHang Holdings և Hafei Hey Airlines ընկերությունները թռչող տաքսիների գործարկման լիցենզիա են ստացել․ հաղորդում է South China Morning Post-ը: Երկու ընկերություններին էլ թույլատրվում է օգտագործել անօդաչու թռչող սարքեր առևտրային ուղևորափոխադրումների համար, ներառյալ՝ քաղաքային տեսարժան վայրերի շրջագայությունները:

Լիցենզիան թույլ է տալիս առաջարկել վճարովի ծառայություններ, ինչպիսիք են ցածր բարձրության տեսարժան վայրերը և քաղաքային ավիափոխադրումները՝ օգտագործելով EHang-ի կողմից մշակված eh216-s մարդատար անօդաչու թռչող սարքը: Այն կարող է երկու ուղևոր տեղափոխել 130 կմ/ժ առավելագույն արագությամբ և 35 կմ հեռավարությամբ։

Գործարկման հստակ ամսաթիվ չի նշվում, բայց Չինաստանի իշխանությունները ցածր բարձրության ավիացիան համարում են ապագայի առանցքային ճյուղ։ Սպասվում է, որ արդեն այս տարի շուկան կաճի մինչև 207 մլրդ դոլար։