Հաջիևն ու Իրանի նախագահի խորհրդականը քննարկել են տարածաշրջանային հարցեր

Ադրբեջանի նախագահի օգնական Հիքմեթ Հաջիևը հանդիպել է Իրանի նախագահի քաղաքական հարցերով խորհրդական Մեհդի Սանայիի հետ:

«Բաքվում հանդիպեցի Իրանի Իսլամական Հանրապետության նախագահի քաղաքական հարցերով խորհրդական Մեհդի Սանայիի հետ: Հանդիպման ընթացքում, համաձայն երկու երկրների պետությունների ղեկավարների կողմից տրված հանձնարարականների, մենք լայնորեն քննարկեցինք Ադրբեջանի և Իրանի միջև երկկողմ քաղաքական հարաբերությունները: Բացի այդ, շարունակելով 2025 թվականի փետրվարին Իրան կատարած այցի ընթացքում տեղի ունեցած բանակցությունները, անդրադարձանք փոխադարձ հետաքրքրություն ներկայացնող միջազգային և տարածաշրջանային հարցերին»,- հայտնել է Հաջիևը՝ X-ի իր միկրոբլոգում։