Իլհամ Ալիևը կրկին խոսել է Հայաստանի հետ խաղաղության պայմանագրի ստորագրման երկու առանցքային պայմանների մասին, որոնք վերաբերվում են սահմանադրությանը և ԵԱՀԿ Մինսկի խմբին․
«Մեր պայմանները հայտնի են Հայաստանին․ դրանք նոր չեն։ Մենք վաղուց առաջ ենք տանում դրանք։ Սակայն մինչ այժմ մենք Հայաստանից լուրջ պատասխան չենք ստացել։ Նախ, անհրաժեշտ է վերացնել ԵԱՀԿ Մինսկի խումբը»,- ասել է Ալիևը։
Ըստ նրա՝ Հայաստանի սահմանադրության մեջ հղում կա Հայաստանի անկախության մասին հռչակագրին, որը սահմանադրության անբաժանելի մասն է․
«Այնտեղ դրույթ կա, որ Ադրբեջանի իրավական, պատմական տարածքը միավորվում է Հայաստանի հետ․ դա բաց տարածքային պահանջ է մեր հանդեպ։ Ուստի, այս դրույթը Հայաստանի սահմանադրությունից հանելը մեր օրինական պահանջն է։ Երբ այս երկու պայմանները բավարարվեն, խաղաղության պայմանագրի ստորագրման համար ոչ մի խոչընդոտ չի լինի։ Ինչպես ասում են՝ գնդակը Հայաստանի կողմն է։ Եթե Հայաստանն իսկապես ցանկանում է խաղաղության պայմանագիր կնքել, պետք է ընդունի Ադրբեջանի այս երկու օրինական պայմանները», – ընդգծել է նա:
