Ապրիլի 2-ին Հայաստանի պատմության թանգարանը հյուրընկալել է Վիետնամի Սոցիալիստական Հանրապետության Ազգային ժողովի խոսնակ Չան Թրան Մանի և նրա կնոջ՝ Նգուեն Թի Թան Նգայի գլխավորած պատվիրակությանը։
Հյուրերի թվում էին նաև ՀՀ ԱԺ Հայաստան-Վիետնամ բարեկամական խմբի ղեկավար Հասմիկ Հակոբյանը, ինչպես նաև ՀՀ Ազգային ժողովի մի քանի պատգամավորներ։ Այդ մասին հայտնում են Հայաստանի պատմության թանգարանից:
Հայաստանի պատմության թանգարանի տնօրեն Դավիթ Պողոսյանի ուղեկցությամբ հյուրերը շրջայց են ունեցել թանգարանի մշտական և ժամանակավոր ցուցադրությունների սրահներում, ծանոթացել նաև «Մայր աստվածություն. Անահիտից Մարիամ» խորագրով միջազգային ցուցադրությանը։
Շրջայցի ավարտին խոսնակ Չան Թրան Մանը տպավորությունների մասին գրառում է կատարել թանգարանի Պատվավոր հյուրերի գրքում։
