Տարածքային կառավարման և ենթակառուցվածքների նախարարությունն առաջարկում է փակել Սյունիքի Լիճք գյուղի դպրոցը, որն աշակերտ չունենալու պատճառով 2024թ. ուստարվա սկզբից ի վեր չի գործում։
Համապատասխան նախագիծը դրված է հանրային քննարկման։
Հիմնավորումների մեջ նշվում է, որ 2024թ․ ուստարվա սկզբից ի վեր դասարան չի կազմավորվել։ Սյունիքի մարզի Լիճք և Տաշտուն բնակավայրերում փաստացի բնակվող մինչև 6 տարեկան երեխաներ չկան։
«Լիճքի միջնակարգ դպրոցի լուծարմամբ չի խախտվի որևէ դպրոցահասակ երեխայի՝ սահմանադրությամբ և ոլորտը կարգավորող օրենսդրական նորմերով ամրագրված՝ կրթություն ստանալու իրավունքը»,- նշված է նախագծում։
