Ֆրանսիայի ԱԳ նախարար Ժան-Նոել Բարրոն ապրիլի 2-ին հանդիպում է ունեցել Թուրքիայի ԱԳ նախարար Հաքան Ֆիդանի հետ․ այս մասին հաղորդում է Ֆրանսիայի ԱԳՆ-ն։
Կողմերը, ի թիվս բազմաթիվ հարցերի, քննարկել են նաև Հվ․ Կովկասում ստեղծված իրավիճակը։
«Նախարարները նշել են, որ Հայաստան-Ադրբեջան հարաբերությունների կարգավորումը՝ երկու պետությունների տարածքային ամբողջականության և ինքնիշխանության նկատմամբ հարգանքի հիման վրա, Հարավային Կովկասը պետք է դարձնի խաղաղության, ինտեգրման և համագործակցության գոտի»,- ասվում է տարածված հաղորդագրության մեջ։
Նախարարները քննարկել են նաև Ուկրաինայում, Գազայում և Սիրիայում ստեղծված իրավիճակը, Եվրամիություն-Թուրքիա հարաբերությունները։
