NASA-ն բարձր է գնահատում 2024 YR4 աստերոիդի՝ 2032 թվականին լուսնի հետ բախման հավանականությունը. հայտնել են NASA-ի մերձերկրային օբյեկտների հետազոտությունների կենտրոնի ներկայացուցիչները։
Այս պահին այդ ցուցանիշը 3,8% է, փետրվարի վերջին 1,7% էր։ Ընդ որում, նշվում է, որ բախումը չի ազդի երկրային արբանյակի ուղեծրի վրա։ Աստերոիդի՝ լուսնին չդիպչելու հավանականությունը դեռ 96,2% է:
Նաև Ջեյմս Ուեբ տիեզերական աստղադիտակի օգնությամբ գիտնականները հստակեցրել են աստերոիդի չափսերի շրջանակը։ Այժմ այն 53-67 մետր է, ինչը մոտավորապես 10 հարկանի շենքի չափ է։
Հիշեցնենք, որ մարտի սկզբին աստղագետ Լեոնիդ Էլենինը 2024 YR4 աստերոիդի պայթյունը համեմատել էր Չելյաբինսկի երկնաքարի պայթյունի հզորության հետ։ Նրա խոսքով՝ եթե երկնաքարը բախվի Երկրին, ապա դա կդառնա «տարածաշրջանային աղետ»:
