Թուրքիայի արտաքին գործերի նախարար Հաքան Ֆիդանը ասել է, որ Ուկրաինայի և Ռուսաստանի միջև ցանկացած պոտենցիալ խաղաղության համաձայնագիր «դժվար մարսելի» կլինի, բայց ավելի շատ մահերի և ավերածությունների լավագույն այլընտրանքն է:
Նա այս մասին ասել է Բրյուսելում ՆԱՏՕ-ի արտգործնախարարների հանդիպման շրջանակում Reuters-ին տված հարցազրույցում։ Ֆիդանը շեշտել է, որ Թուրքիան աջակցում է Ուկրաինայում պատերազմին վերջ տալու ԱՄՆ նախաձեռնությանը, սակայն համաձայնության հասնելը հեշտ չի եղել:
Նրա խոսքով՝ կողմերը դեռ «մի քիչ հեռու» են համաձայնության գալուց։
Պատասխանելով Ուկրաինայի անվտանգության հնարավոր երաշխիքների մասին հարցին՝ Ֆիդանը ասել է, որ Եվրոպան չի կարող ինքնուրույն բավարար երաշխիքներ տրամադրել առանց ԱՄՆ աջակցության։
