Վոլոդիմիր Զելենսկին, անդրադառնալով ռուս-ուկրաինական կարգավորմանը, նշել է՝ հրադադարի համար չեն կարող լինել նախապայմաններ:
«Իսկ կրակը դադարեցնելուց հետո կարող ենք խոսել ցանկացած ձևաչափով: Տեղեկություններ ունենք, որ Վաշինգտոնը հրադադարի հասնելու վերջին փուլում է։ Ակնկալվում է, որ հակառուսական պատժամիջոցները կուժեղացվեն»,- հավելել է Ուկրաինայի նախագահը:
Զելենսկին տեղեկացրել է, որ Կիևն աշխատում է գործընկերների, մասնավորապես՝ Ֆրանսիայի և Մեծ Բրիտանիայի հետ, քննարկվում է դաշնակիցների հնարավոր ներկայությունը հակաօդային պաշտպանության ոլորտում:
Նա մեկնաբանել է Ուկրաինայի նկատմամբ Դոնալդ Թրամփի սահմանած մաքսատուրքերը, նշել՝ ԱՄՆ-ի հետ ապրանքաշրջանառության ծավալն ընդամենը 3,5 միլիարդ դոլար է, ուստի ամերիկյան տուրքերը չեն ազդի ո՛չ Ուկրաինայի տնտեսության, ո՛չ էլ ռազմական մատակարարումների վրա։
