Արցախ-Ադրբեջան շփումների վերջին ամիսները, շաբաթները եւ օրերը. Սոֆիա, Բրատիսլավա, Եվլախ

Լրագրող Թաթուլ Հակոբյանը գրել է.

Թարմ ուղեղով, դառը սուրճի հետ

Արցախ-Ադրբեջան շփումների վերջին ամիսները, շաբաթները եւ օրերը. Սոֆիա, Բրատիսլավա, Եվլախ

ԱՆԻ կենտրոնի և ԱԼԻՔ ՄԵԴԻԱ-ի այսօրվա իմ սյունակում մանրամասն անդրադարձել եմ Հայաստանի արտգործնախարարության այն պնդմանը, թե իբր արցախյան կողմն է փակուղի տարել Սոֆիայի և Բրատիսլավայի բանակցությունները:

Առիթն օգտագործելով նաև գրել եմ.

Օրերս Ազատության հրապարակում արցախահայերի կազմակերպած բազմամարդ հանրահավաքում Հայաստանի կառավարությանը ներկայացված պահանջների մի մասը արդար, ազնիվ եւ իրատեսական չէ: Մասնավորապես,

ա/ Հայաստանը այսօր ունակ չէ ապահովել «Արցախի ժողովրդի հավաքական վերադարձը հայրենի հող, այնտեղ անվտանգ, արժանապատիվ, կայուն ու ինքնորոշված կյանքը». ավելին, սա շանտաժ է Հայաստանի պետության դեմ եւ անազնիվ վերաբերմունք տեղահանված արցախցիների հանդեպ,

բ/ արդար չէ նաեւ այն պահանջը, թե իբր Հայաստանը ջանքեր չի գործադրում Բաքվի բանտերում պահվող հայ գերիներին վերադարձնելու ուղղությամբ: Ներողություն, իսկ ո՞ւմ ջանքերով են վերադարձվել Բաքվի բանտերում պահվող մեր տասնյակ մյուս գերիները:

Եւ վերջում, Բաքվի բանտերում պահվող հայերի հանգամանքը ինձ դեռեւս թույլ չի տալիս անդրադառնալ Արցախում բարձր պաշտոններ զբաղեցնող որոշ պատասխանատուների անպատասխանատու, անիրատես եւ ավերիչ գործողություններին:

Կգա նաեւ դրա ժամանակը:

Թ. Հ.
7 ապրիլի, 2025թ, Դովեղ