Երևանի եկամուտների հավաքագրման կատարողականը 94.3 % է

2025 թվականի հունվար-մարտ ամիսների համար նախատեսված 17 մլրդ 24 մլն 163 հազար սեփական եկամուտներից փաստացի հավաքագրվել է 16 մլրդ 58 մլն 317 հազար դրամ, կատարողականը կազմել է 94.3 %: Այս մասին զեկուցվել է Երևանի քաղաքապետարանի գործակարգավարական նիստում։

«Թերակատարման հիմնական պատճառ են հանդիսացել փոխադրավարձի գծով եկամուտների թերհավաքագրումը՝ շուրջ 1.5 մլրդ դրամ, որը պայմանավորված է նշված եկամտատեսակի մասով սահմանված արտոնություններով, այդ թվում նաև՝ մինչև 2025 թվականի փետրվարի 28-ը ձեռք բերված փաթեթների համար լրացուցիչ 1 ամիս անվճար երթևեկելու հնարավորության տրամադրմամբ»,- նշել է եկամուտների հաշվառման և գանձման վարչության պետի պաշտոնակատար Դավիթ Հակոբյանը: