Անկարայի՝ Երևանի հետ հարաբերությունները կարգավորելու քայլերը կապված են Հայաստանի կողմից Ադրբեջանի հետ խաղաղության պայմանագիր կնքելու համար առաջադրված պայմանները կատարելու հետ. ադրբեջանական լրատվամիջոցների փոխանցմամբ՝ հայտարարել է Թուրքիայի նախագահի գլխավոր խորհրդական Չաղրի Էրհանը՝ Ստեփանակերտի «Ղարաբաղ» համալսարանում ընթացող քաղաքական ֆորումում։
Նա ընդգծել է, որ Անկարայի և Երևանի հարաբերությունների կարգավորումը հնարավոր է միայն այն դեպքում, եթե Հայաստանը ճանաչի Ադրբեջանի անկախությունը, տարածքային ամբողջականությունը և ինքնիշխանությունը, ինչպես նաև ստորագրի խաղաղության պայմանագիր:
