Ուկրաինայում լայնածավալ ճգնաժամի սկսվելուց ի վեր ամերիկյան զենքի վաճառքն աճել է 600%-ով, իսկ Եվրոպայից պատվերների ծավալը հասել է 265 միլիարդ դոլարի։ Այս մասին հայտնել է Եվրոպայում դաշնակից ուժերի գերագույն հրամանատար, ամերիկացի գեներալ Քրիստոֆեր Քավոլին։
Նա ընդգծել է, որ դաշնակիցների համար տարբեր զենքի համակարգերի համատեղելիությունն ապահովելու ամենահեշտ ճանապարհը՝ դրանք Միացյալ Նահանգներից գնելն է։
«Ներկայումս վաճառքի 4000 հայտ կա՝ 265 միլիարդ դոլար արժողությամբ։ Եվրոպական երկրները հերթ են կանգնում Միացյալ Նահանգներից՝ զենքի արտադրողից, գնումներ կատարելու համար», – ասել է Քավոլին։
