Հայաստանը Օմանի Սուլթանությունում դեսպանատուն կունենա: Նստավայրը կլինի Մուսկատում: Նախագիծն ընդգրկված է կառավարության այսօրվա այսօրվա օրակարգում՝ որպես չզեկուցվող:
Նախագիծը մշակվել է ՀՀ արտաքին գործերի նախարարության կողմից:
Հիմնավորման մեջ նշվում է, որ Հայաստանի և Ծոցի արաբական երկրների միջև հարաբերությունները վերջին տարիներին զարգանում են դինամիկ կերպով: Նկատվում է ակտիվություն թե՛ քաղաքական երկխոսության, թե՛ առևտրատնտեսական համագործակցության, թե՛ կրթամշակութային և հումանիտար ոլորտներում կապերի տեսանկյունից:
