Միացյալ Նահանգները և Ռուսաստանը Աբու Դաբիում կալանավորների հերթական փոխանակումն են իրականացրել:
Ռուսական կողմը ազատ է արձակել Քսենիա Կարելինային, որը մեղադրվում էր պետական դավաճանության համար, քանի որ ուկրաինական հիմնադրամին 50 դոլար էր փոխանցել՝ գրում է The Wall Street Journal-ը: Նա դատապարտվել էր 12 տարվա ազատազրկման: ԱՄՆ պետքարտուղարը հայտարարել է, որ Կարելինան անօրինական կերպով ձերբակալվել է 1 տարի առաջ:
«Նա ազատ է արձակվել նախագահ Թրամփի ջանքերով, աշխատում ենք վերադարձնել ազատազրկված բոլոր ամերիկացիներին»,- նշել է Մարկո Ռուբիոն:
Ի պատասխան՝ ԱՄՆ-ը ազատ է արձակել Արթուր Պետրովին, որը ձերբակալվել էր 2023 թվականին Կիպրոսում՝ երկակի նշանակության միկրոէլեկտրոնիկա արտահանելու կասկածանքով։
