Սև ծովում նավարկության անվտանգության վերաբերյալ Ռուսաստանի և Ուկրաինայի ներկայացուցիչների միջև բանակցություններ կանցկացվեն ապրիլի 15-16-ը Անկարայում, հայտնում է CNN Türk-ը՝ հղում անելով Թուրքիայի պաշտպանության նախարարությանը։
«Ապրիլի 15-16-ը Անկարայում Թուրքիայի ռազմածովային ուժերի շտաբում կանցկացվեն բանակցություններ Ռուսաստանի Դաշնության և Ուկրաինայի ներկայացուցիչների միջև Սև ծովում անվտանգության վերաբերյալ», – հաղորդում է հեռուստաալիքը:
Թուրքիայի արտաքին գործերի նախարար Հաքան Ֆիդանը կիրակի Անթալիայում դիվանագիտական ֆորումի արդյունքներով հրավիրված մամուլի ասուլիսում ասել է, որ երկրի դռները բաց են Ռուսաստանի և Ուկրաինայի միջև բանակցությունների համար, եթե կողմերը համաձայնեն։
