ԱՄՆ նախագահ Դոնալդ Թրամփը «սխալ» է անվանել Սումիի վրա Ռուսաստանի կողմից Ծաղկազարդին տեղի ունեցած հարձակումը, որի հետևանքով տասնյակ մարդիկ են զոհվել։ Այս մասին հաղորդում է CNN-ը։
«Դա սարսափելի է։ Ինձ ասացին, որ նրանք (ռուսները) սխալ են թույլ տվել»,- ասել է Թրամփը նախագահական ինքնաթիռում տեղի ունեցած ճեպազրույցի ընթացքում։
Երբ նրան խնդրել են բացատրել, թե ինչ նկատի ունի Ռուսաստանի «սխալ» ասելով, նա պատասխանել է. «Նրանք սխալ են թույլ տվել, և կարծում եմ՝ այդպես էլ եղել է: Կարող եք նրանց հարցնել»։
Թրամփը նաև կրկնել է այն թեզը, որ Ուկրաինայում պատերազմը չէր սկսվի, եթե ինքը մնար նախագահ։
Ապրիլի 13-ին ռուսական զորքերը երկու բալիստիկ հրթիռով հարվածել են Սումիին։ Հայտնի է 34 մահվան դեպք, որից 2-ը երեխա։ Եվս 117 մարդ վիրավորվել է։
