Իրանի արտաքին գործերի նախարար Աբբաս Արաղչին «այս շաբաթվա վերջին» կայցելի Ռուսաստան՝ ԱՄՆ-ի հետ անուղղակի բանակցությունների առաջին փուլի ավարտից հետո ռուսական կողմի հետ խորհրդակցություններ անցկացնելու համար։
Այս մասին հայտնել է Իսլամական Հանրապետության արտաքին գործերի նախարարության ներկայացուցիչ Էսմայիլ Բաղային։
«Նույն շաբաթ տեղի կունենա Աբբաս Արաղչիի նախատեսված այցը Մոսկվա, ավելի ճշգրիտ՝ այս շաբաթավերջին։ Իհարկե, այս հնարավորությունը կօգտագործվի նաև վերջին իրադարձությունների, մասնավորապես՝ Մասկատում [ԱՄՆ-ի հետ] բանակցությունների թեմայով խորհրդակցություններ անցկացնելու համար»,- ասել է նա մամուլի ասուլիսի ժամանակ։
