Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
«Հայաստանին Արցախի ճակատագիրն է սպասվում» ասողներին մեկ պատասխան ունեմ.
Հայաստանը բոլոր մարտահրավերները կհաղթահարի, եթե ներքին եւ արտաքին նույն դերակատարներով եւ նույն համերաշխությամբ չանեք այն, ինչ արեցիք Արցախում՝ 2022 թվականի փետրվարից սկսած:
Թող մեծամտություն չհնչի, բայց առաջինը ես եմ ասել. «Հայաստանի իշխանությունը չպետք է թույլ տա Երեւանի ստեփանակերտացումը»: Այլապես Հայաստանի ինքիշխանությանը «փտախտ» է սպառնում: Չտա Աստված՝ այդպես լինի, որովհետեւ թշնամին գալու է մեր պետական-քաղաքական օրգանիզմի ամեն բջջի մահվան հետքերով:
