Իրանի արտաքին գործերի նախարար Աբբաս Արաղչին Օմանում ԱՄՆ նախագահի հատուկ դեսպանորդ Սթիվեն Ուիթքոֆի հետ անուղղակի բանակցությունների ժամանակ հայտարարել է, որ Թեհրանը չի կրճատելու իր միջուկային ծրագիրը։ Այս մասին հայտնել է «Tehran Times» թերթը։
Միաժամանակ, Արաղչին ասել է, որ Իրանը պատրաստ է Միջազգային ատոմային էներգիայի գործակալությանը (ՄԱԳԱՏԷ) հասանելիություն տրամադրել միջուկային օբյեկտներին։
Մասնավորապես, Օմանում գտնվող իրանական պատվիրակության հաղորդագրությունները ցույց էին տալիս, որ բանակցությունները շարունակելու համար անհրաժեշտ է Թեհրանի և Վաշինգտոնի միջև ընդհանուր շրջանակային համաձայնագրի հասնել։
Ապրիլի 12-ին Օմանում տեղի են ունեցել Իրանի և ԱՄՆ-ի միջև անուղղակի բանակցություններ, որոնց ընթացքում կողմերը միջնորդների միջոցով կարծիքներ են փոխանակել։ Հանդիպումը տևել է ավելի քան երկու ժամ։
