ԱԺ նախագահ Ալեն Սիմոնյանն անդրադարձել է նախկին նախագահ Սերժ Սարգսյանի՝ ՀՀԿ նիստում ունեցած ելույթին․
«Կարծում եմ՝ մտածել է, որ բավարար չէ իր և Ռոբերտ Քոչարյանի բանավեճը, թե ով է իշխանության բերել ՔՊ-ին, և մինչև հիմա չի հասկացել, որ իշխանության բերում է ժողովուրդը»,- ասել է նա։
Ըստ Սիմոնյանի՝ Ս.Սարգսյանը փորձում է Քոչարյանի հետ բանավեճում միավորներ հավաքել։ Ինչ վերաբերում է ՔՊ հասցեին քննադատություններին, Սիմոնյանն ասել է.
«Երբ նա մեր մասին վատ բան է ասում, մեր վարկանիշը բարձրանում է։ Առաջարկում եմ պարոն Սարգսյանին՝ հաջորդ անգամ իր դեմքով հանդես գալ ընտրություններին»։
Նա նաև նշել է, որ Սարգսյանը «հայ ազգի կողմից մերժված եզակի անձնավորություն է»։ Նա Սարգսյանին կոչ է արել նայել անցած ճանապարհին:
