ԱՄՆ փոխնախագահ Ջ. Դ. Վենսը քննադատել է Վլադիմիր Զելենսկուն այն հայտարարության համար, որ Վենսը արդարացնում է Վլադիմիր Պուտինի գործողությունները:
Վենսը հայտարարել է, որ դատապարտում է Ռուսաստանին 2022 թվականից, սակայն այդ ժամանակվանից փորձում է հասկանալ երկու կողմերի ռազմավարական նպատակները:
«Ես փորձել եմ օգտագործել ռազմավարական ընկալումը. եթե ցանկանում եք, որ հակամարտությունն ավարտվի, պետք է փորձեք հասկանալ երկու կողմերի ռազմավարական նպատակները։ Սա չի նշանակում, որ դուք բարոյապես աջակցում եք Ռուսաստանի նպատակներին կամ լայնամասշտաբ ներխուժմանը, բայց պետք է փորձեք հասկանալ, թե որտեղ են անցնում նրանց ռազմավարական կարմիր գծերը, նաև պետք է փորձեք հասկանալ Ուկրաինայի նպատակներն այս հակամարտությունում:
Մի փոքր անհեթեթ է Զելենսկու խոսքը, թե մենք ինչ-որ կերպ ռուսների կողմն ենք»,- ընդգծել է Վենսը։
CBS-ին տված հարցազրույցում Զելենսկին ասել էր, որ իրեն թվացել է, որ փոխնախագահն արդարացնում է Պուտինի գործողությունները:
