«Սերժ Սարգսյանի կառավարման տարիներին բանակում տարել ու կերել են զինվորների ներքնաշորերը». ԱԺ-ում հայտարարությունների ժամին ասաց ՔՊ-ական պատգամավոր Վահագն Ալեքսանյանը։
«Դուք բանակում զինվորների ներքնաշորերը տարել ու կերել եք, փոխաբերական իմաստով եմ ասում՝ կերել եք, բայց զինվորների ներքնաշոր ուտողների իշխանություն եք եղել։ Չի եղել զինվոր, որը ծառայի ու բանակում իրեն հասանելիք ներքնաշորն ստանա։ Խի՞ չի եղել, որովհետև դուք դա տարել ու կերել եք։ Հիմա եկել են, ու իրենց լկտիությունն էն աստիճանի ա, որ դա որպես մեղադրանք են օգտագործում։ Գուլպա էլ են կերել, ամեն ինչ կերել են, ինչ տեսել են»,- ասել է Ալեքսանյանն՝ ընդգծելով, որ սրանով պատասխանում է այն մարդկանց, որոնք թիրախավորում են իրեն՝ հիշատակելով զինվորների ներքնաշոր չունենալու վերաբերյալ նախկինում ասած խոսքը։
