Ադրբեջանի ԱԳ նախարար Ջեյհուն Բայրամովը Սլովենիայի ԱԳ նախարար Տանյա Ֆայոնի հետ համատեղ ասուլիսին անդրադարձել է հայ-ադրբեջանական հարաբերություններին՝ նշելով, որ սահմանազատման գործընթացը շարունակվում է։
«Ես ընդգծել եմ Հայաստանի սահմանադրությունում Ադրբեջանի նկատմամբ տարածքային պահանջները վերացնելու և Մինսկի խմբի գործունեությունը դադարեցնելու անհրաժեշտությունը: Դելիմիտացիայի գործընթացը շարունակվում է, սակայն կապուղիների բացման հարցը դեռևս լուծված չէ: Քննարկվել է նաև Նախիջևան անխոչընդոտ մուտքի ապահովման խնդիրը, որը մինչ օրս չի իրականացվել»,- ասել է նա։
