Եթե Ուկրաինայում պատերազմը դադարեցնելու մեր ջանքերը մի քանի օրվա ընթացքում ձախողվեն, նախագահ Թրամփին կտեղեկացնենք, որ բանակցություններն այլևս կենսունակ տարբերակ չեն: Այս մասին հայտարարել է ԱՄՆ պետքարտուղար Մարկո Ռուբիոն։
«Եթե երկու կողմերն էլ լուրջ են տրամադրված խաղաղությանը, ապա մենք ցանկանում ենք օգնել, հակառակ դեպքում մենք առաջ կշարժվենք», – ասել է նա:
Ռուբիոն հավելել է, որ Միացյալ Նահանգները 3 տարի աջակցել Է Ուկրաինային, բայց հիմա եկել է մի պահ, երբ նրանք պետք է կենտրոնանան այլ բաների վրա:
«Մենք ուզում ենք ամեն ինչ անել, որպեսզի օգտակար լինենք։ Երեկ լավ հանդիպում ունեցանք։ Կարծում եմ՝ ֆրանսիացիները, բրիտանացիները, գերմանացիները շատ կառուցողական էին, շատ էին օգնում։ Եվ հուսով ենք, որ հաջորդ շաբաթվա սկզբին մենք կունենանք նոր հանդիպում: Այդ ժամանակ մենք ավելի շատ կոնկրետ պատասխաններ կունենանք, թե որքան մոտ ենք առաջընթացին: Բայց դա հավերժ չի շարունակվի», – հավելել է նա։
