Ուիթքոֆը խոստովանում է, որ ՌԴ-ն կստանա «որոշ» նոր տարածաշրջաններ

Ռուսաստանը կարող է ստանալ այն շրջաններից մի քանիսը, որոնք նա պնդում է ճանաչել որպես իր տարածքի մաս, բայց ոչ բոլորը։ Այս մասին The Wall Street Journal-ին տված հարցազրույցում ասել է ԱՄՆ նախագահ Դոնալդ Թրամփի հատուկ դեսպանորդ Սթիվ Ուիթքոֆը։

Նա նշել է, որ Ռուսաստանի նախագահ Վլադիմիր Պուտինը իրենց հանդիպումների ժամանակ «կենտրոնացած» էր այդ տարածքների վրա։ Ուիթքոֆը կարծում է, որ Ուկրաինային կարող է պակաս հետաքրքրել, թե ինչ է կատարվում այդ տարածաշրջանների հետ, որոնք ռուսախոս են։

Խոսքը ԴԺՀ, ԼԺՀ, Զապորոժիեի և Խերսոնի մարզերի մասին է, որոնք Ռուսաստանի մաս դարձան 2022 թվականի աշնանը անցկացված հանրաքվեների արդյունքում։