Երևանի քաղաքապետարանը Ռուբինյանց 7 հասցեի անշարժ գույքն անհատույց օգտագործման իրավունքով կտրամադրի աշխատանքի և սոցիալական հարցերի նախարարությանը. նախագիծն ընդգրկված է Երևանի ավագանու նիստի օրակարգում։
Նախարարությունը ցանկանում է այդ տարածքում իրականացնել անօթևան անձանց կացարանով ապահովման ծառայությունների կազմակերպում՝ հաշվի առնելով նրանց թվի աճը, տարաբնույթ խնդիրները և համապատասխան մասնագիտական ծառայությունների կազմակերպման և արժանապատիվ միջավայրի ապահովման անհրաժեշտությունը:
Ռուբինյանց 7 հասցեի գույքը ներառում է 6155 մ² մակերեսով հողամաս և 4115 մ² (3749 մ² առողջապահական կենտրոն, 293 մ² օժանդակ շինություն և 72 մ², 144 մ³ պարիսպ) մակերեսով շինություն։ Խոսքը նախկին թոքաբանության կենտրոնի տարածքի մասին է։
