Ռուսաստանի նախագահ Վլադիմիր Պուտինը օրենք է ստորագրել Իրանի հետ համապարփակ ռազմավարական գործընկերության պայմանագրի վավերացման մասին։
Պայմանագրում ամրագրված են Մոսկվայի և Թեհրանի միջև երկարաժամկետ հեռանկարում համագործակցության հետագա զարգացման իրավական շրջանակները: Այն ամրագրում է Ռուսաստանի և Իրանի կարգավիճակը՝ որպես ռազմավարական գործընկերներ, և ընդգրկում է բոլոր ոլորտները, ներառյալ՝ պաշտպանությունը, ահաբեկչության դեմ պայքարը, էներգետիկան, ֆինանսները, տրանսպորտը, արդյունաբերությունը, գյուղատնտեսությունը, մշակույթը, գիտությունը և տեխնոլոգիաները:
Պայմանագիրը ստորագրվել է ընթացիկ տարվա հունվարին՝ Իրանի նախագահ Մասուդ Փեզեշքիանի՝ Մոսկվա կատարած այցի ժամանակ:
