Սլովակիայում անցկացված ըմբշամարտի Եվրոպայի առաջնությունում Ռոման Ամոյանի եզրափակիչ գոտեմարտը լավագույնն է ճանաչվել։ Ըմբշամարտի միջազգային ֆեդերացիայի երկրպագուների 37% ձայներով գոտեմարտը համարվել է գլխավոր իրադարձություն:
«Եվրոպայի առաջնության կարևորագույն պահը. 2024 թվականի Փարիզի օլիմպիական խաղերի բրոնզե մեդալը նվաճելուց հետո իր առաջին մրցումներում Մալխաս Ամոյանը հաղթեց աշխարհի առաջնության երեք մրցանակակիրներին՝ չորրորդ անընդմեջ Եվրոպայի չեմպիոնի տիտղոսը նվաճելու ճանապարհին:
Երկրպագուները Ամոյանի հաղթանակն անվանել են հունահռոմեական ոճի ըմբշամարտի մրցաշարի գլխավոր իրադարձություն»,- ասվում է UWW-ի հաղորդագրության մեջ:
Հիշեցնենք, որ Ամոյանը եզրափակիչում 3։1 հաշվով հաղթել էր Վրաստանը ներկայացնող Ռամազ Զոիձեին։
