ԱԺ «Հայաստան» խմբակցության պատգամավոր Լևոն Քոչարյանն ապրիլի 25-ին հանդիպել է Երևանի պետական համալսարանի միջազգային հարաբերությունների ֆակուլտետի տարբեր կուրսերում սովորող մի խումբ ուսանողների հետ:
Ուսանողներն իրենց հետաքրքրող և հուզող հարցերն են ուղղել պատգամավորին, որոնք, մասնավորապես, վերաբերել են ՀՀ ներքին և արտաքին քաղաքականությանը, միջազգային հարաբերություններին, ներքաղաքական խնդիրներին, Հայաստանի և Ադրբեջանի միջև սահմանազատման և սահմանագծման գործընթացին, խաղաղության համաձայնագրին, ՀՀ պետական կառավարման համակարգին, Գյումրիում տեղի ունեցած վերջին ՏԻՄ ընտրություններին, 2026 թվականի խորհրդարանական ընտրություններին և այլ թեմաների:
Պատգամավորը և ուսանողները կարևորել են նման ձևաչափով տեղի ունեցող հանդիպումներն ու քննարկումները:
