Դուք համաձա՞յն եք, որ Արցախի հայ բնակչությունը հայրենիքից զրկվել է «մի շարք հանգամանքների բերումով»

Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.

Վլադիմիր Պուտինին Վիտալի Բալասանյանի բաց նամակի առթիվ երեք հարց եմ ուղղում Արցախի նախագահ Սամվել Շահրամանյանին եւ Ազգային ժողովի պատգամավորներին:

Հարգարժան պարոնայք, դուք համաձա՞յն եք, որ Արցախի հայ բնակչությունը հայրենիքից զրկվել է «մի շարք հանգամանքների բերումով»։

Ռուսական կայսրությու՞նն է հայ ժողովրդին հայրենիք եւ ազգային ինքնություն շնորհել։

Ռուս ժողովուրդը եւ ռուսական պետությունը կարո՞ղ են բռնատեղահանված արցախահայությանը հայրենիք վերադարձնել: