Ռուսաստանն ու Ուկրաինան դեռ հեռու են խաղաղ կարգավորման հարցում փոխզիջման հասնելուց։ Միևնույն ժամանակ, ԱՄՆ նախագահ Դոնալդ Թրամփը շուտով ստիպված կլինի որոշում կայացնել այն մասին, թե դեռ որքան ժամանակ է պատրաստվում շարունակել միջնորդական ջանքերը պատերազմող կողմերի միջև։ Այս մասին հայտարարել է ԱՄՆ պետքարտուղար Մարկո Ռուբիոն Fox News-ի եթերում։
Նրա խոսքով՝ նախագահ Թրամփը, իր երկրորդ ժամկետի մեկնարկից ընդամենը 100 օր անց, «ջանքեր է գործադրում խաղաղություն հաստատելու, սպանությունները և ավերածությունները դադարեցնելու ուղղությամբ»:
«Տեսեք, մենք մոտենում ենք դրան։ Սա տեղի չունեցավ երեք տարի առաջ, բայց հիմա մենք տեսնում ենք, թե ինչ գին է Ուկրաինայի համար կանգ առնելը, ինչպես նաև՝ Ռուսաստանի համար։ Խնդիրն այն է, որ կողմերի դիրքորոշումները դեռ շատ հեռու են միմյանցից», – ընդգծել է Ռուբիոն։
