Ադրբեջանցի պատգամավոր Ազեր Բադամովին թույլ չեն տվել մուտք գործել Ռուսաստան։ Մոսկվայի օդանավակայանում որոշ ժամանակ պահելուց հետո նրան հետ են ուղարկել իր երկիր։
Այդ զարգացումից հետո Բաքուն կապ է հաստատել Ռուսաստանի արտաքին գործերի նախարարության հետ։ Բաքվից դժգոհություն են հայտնել, նշել, որ դա ոչ բարեկամական քայլ է, բացատրություն են պահանջել և հայտարարել, որ հարցը կհետաքննվի։
Ռուսաստանի արտաքին գործերի նախարարության ներկայացուցիչը որևէ բացատրություն չի տվել որոշման պատճառների վերաբերյալ։
