Թեհրանը օրինական թիրախ կհամարի այն երկրները, որոնց տարածքը երրորդ կողմերը կօգտագործեն Իսլամական Հանրապետության վրա հարձակվելու համար։ Այս մասին հայտարարել է Իրանի արտաքին գործերի նախարարության պաշտոնական ներկայացուցիչ Իսմայիլ Բաղաին ամենշաբաթյա մամուլի ասուլիսի ժամանակ։
«Եթե որևէ երկրի տարածքը (օգտագործվի) Իրանի վրա հարձակումներ իրականացնելու համար… այդ կետը, համաձայն միջազգային իրավունքի, կհամարվի օրինական թիրախ»,- ասել է Բաղաին՝ մեկնաբանելով Իրանի պաշտպանության նախարարության հայտարարությունը առ այն, որ Վաշինգտոնի և Իսրայելի կողմից հարձակման դեպքում պատրաստ են հարվածել ամերիկյան բազաներին։
