Ներկայացված նախագծի հիմնական միտքն այն էր՝ արդյոք ԱԺ քաղաքական մեծամասնությունը հասկանում է պատասխանատվությունը, որ պատգամավորի վարքագիծը չափազանց կարևոր է՝ հանրությանը մշակույթ փոխանցելու առումով. այսօր Ազգային ժողովում «Հայաստան» խմբակցության անունից ելույթի ժամանակ ասաց պատգամավոր Արծվիկ Մինասյանն՝ անդրադառնալով Անդրանիկ Քոչարյանի վարքը քննելու վերաբերյալ էթիկայի հանձնաժողով ստեղծելու հարցին։
Մինասյանի համար անընդունելի ու մերժելի է ընտանիքի անդամի նկատմամբ որևէ ոտնձգություն, բայց իշխանություններն, ըստ նրա, ոչինչ չեն անում, որ ընդդիմադիրների նկատմամբ նման երևույթները դատապարտվեն։
Մինասյանը նշեց, որ եթե իշխանությունների կողմից դատապարտում լինի, այդ վարքագիծը կտարածվի նաև հանրության մեջ։
