«Եթե թափանցիկությունից ենք խոսում, եկեք, նաև մյուսների՝ լրատվամիջոցների, թափանցիկությունից խոսենք». այսօր Ազգային ժողովում ասաց ԱԺ նախագահ Ալեն Սիմոնյանն՝ անդրադառնալով խորհրդարանի ծախսերի վերաբերյալ ընդդիմադիրների հայտարարություններին.
«Այո, առել ենք այն, ինչի կարիքն ունենք, և դրա հաշվետվությունը լրատվամիջոցները կարող են ստանալ։ Ձեզ թվում է՝ այնքան հիմար ենք, պիտի դնենք, բացեիբաց ԱԺ համար ինչ-որ բաներ առնենք և ամեն մի Վինի Թուխի խաղալիքից 1000 դրամ փող աշխատենք։ Ի՞նչ պիտի անեինք այդ խաղալիքները․ բաժանել ենք երեխաներին, որոնք գալիս են այստեղ։ Ձեր նշած գնումը կամ Ղարաբաղից, կամ Սյունիքից եկած էրեխեքի համար է եղել»։
ԱԺ պատգամավոր Թագուհի Թովմասյանի արձագանքին, թե նորածին երեխաների համար են եղել գնված խաղալիքները, ասաց. «Դատախազությունը թող զբաղվի, տեսնի՝ իմ ընկերոջ նորածին երեխուն կարո՞ղ ա՝ խաղալիք եմ նվիրել»,- ասաց Սիմոնյանը։
