Ադրբեջանի նախագահ Իլհամ Ալիևն Ակնայի Մուղամի կենտրոնի բացման արարողությանը հայտարարել է, որ բոլոր նրանք, ովքեր «այսօր հաշվի չեն առնում Ադրբեջանին, վաղը կզղջան դրա համար»։
Նա 44-օրյա պատերազմում տարած հաղթանակն անվանել է ադրբեջանական ժողովրդի ընդհանուր հաղթանակը և նշել, որ Ադրբեջանն այդպիսով «ամբողջ աշխարհին ցույց է տվել իր պատմական մեծությունը»:
«Պատահական չէ, որ նույնիսկ մեզ թշնամաբար տրամադրված շրջանակները, ուժերը և երկրները գիտեն, որ մենք արժանի ժողովուրդ ենք, հարգանքի արժանի ժողովուրդ, և մեզ հետ պետք է հաշվի նստել։ Նրանք, ովքեր այսօր մեզ հաշվի չեն առնում, գոնե մեր տարածաշրջանում, վաղը կզղջան դրա համար»,- նշել է նա։
Նրա խոսքով՝ պատերազմի ժամանակ Ադրբեջանը հստակ հասկանում էր, թե «ով է աջակցում Հայաստանին և ինչ ուժեր են կանգնած դրա ետևում», բայց դա նրանց չի կանգնեցրել։
