Անդրադարձել են ՀՀ և տարածաշրջանի ներդրումային հնարավորություններին

ՀՀ ֆինանսների նախարար Վահե Հովհաննիսյանը Միլանում ընթացող Ասիական զարգացման բանկի 58-րդ տարեկան ժողովի շրջանակներում հանդիպել է ԱԶԲ նորանշանակ նախագահ Մասատո Կանդային՝ քննարկելու երկկողմ համագործակցության նոր ուղիները և տնտեսական զարգացմանն ուղղված ֆինանսական ծրագրերը։

Հանդիպման ընթացքում կողմերն անդրադարձել են ՀՀ և տարածաշրջանի ներդրումային հնարավորություններին և տնտեսական աճի խթանմանն ուղղված բարեփոխումներին։

Նախարար Հովհաննիսյանն ընդգծել է ԱԶԲ-ի հետ համագործակցության կարևորությունը Հայաստանի տնտեսության կայուն զարգացման ապահովման համատեքստում:
ԱԶԲ նախագահ Մասատո Կանդան բարձր է գնահատել ՀՀ կառավարության ջանքերը՝ ուղղված ֆինանսական կառավարման և ներդրումային միջավայրի բարելավմանը, ինչպես նաև վերահաստատել ԱԶԲ-ի պատրաստակամությունը՝ ապագայում ևս աջակցելու Հայաստանի զարգացման առաջնահերթություններին։

Այս հանդիպումը կարևոր քայլ է ՀՀ կառավարության և Ասիական զարգացման բանկի միջև շարունակական և արդյունավետ համագործակցության ամրապնդման գործընթացում։