ԱՄՆ-ում ձերբակալվել են հայկական կազմակերպված հանցավոր խմբի հետ կապված 13 կասկածյալներ։ Դաշնային հետախուզություննտվյաներով՝ նրանց ծանր մեղադրանքներ են առաջադրվել, այդ թվում՝ սպանության փորձ, առևանգում, անօրինական զենքի պահպանում, բանկային և էլեկտրոնային խարդախություն, ինչպես նաև ավելի քան 80 միլիոն դոլարի առցանց բեռների գողություն։ Այս մասին գրում է ABC News-ը։
Երեքշաբթի վաղ առավոտյան խուզարկության օրդերներով Հայրենիքի անվտանգության դեպարտամենտի քննիչները՝ տեղական ոստիկանական օգնությամբ, խուզարկել են Սան Վելլի շրջանում գտնվող Կաբերնե Քորթում գտնվող առանձնատունը, ինչպես նաև Հարավային Կալիֆոռնիայում և Ֆլորիդայում գտնվող այլ սեփականություններ:
Ըստ ԱՄՆ դատախազ Բիլալ Էսսեյլիի գրասենյակի՝ գործողության ընթացքում ձերբակալվել են հայկական կազմակերպված հանցավոր խմբի 13 անդամներ։
ԱՄՆ դատախազի գրասենյակը նաև հայտնել է, որ այս խմբի անդամների կողմից ղեկավարվող բեռների գողության խմբի շրջանակներում Amazon առցանց մանրածախ առևտրից գողացվել է 83 միլիոն դոլարի ապրանք:
Հետաքննությունների ժամանակավոր փոխտնօրենը նշել է. «Այս միջազգային հանցավոր կազմակերպությունը գործել է միջազգային կարտելի կառուցվածքով, դաժանաբար՝ զգալի վնաս հասցնելով հասարակական անվտանգությանը և օրինական առևտրին ու մատակարարման շղթաներին»։
Ըստ տեղեկությունների՝ երեքշաբթի օրվա գործողության ընթացքում իրավապահ մարմինները առգրավել են մոտ 100,000 դոլար կանխիկ, երեք զրահապատ մեքենա և 14 հրազեն։
Հարևանները պատմել են, որ Սան Վելիի տան բնակիչները տեղափոխվել են մոտ հինգ տարի առաջ։ Նրանք ասել են, որ տանը պարբերաբար մեծ ակտիվություն է նկատվել։
Պաշտոնյաները հայտարարել են, որ դեռևս փնտրում են ևս մեկ կասկածյալի։
Գրասենյակը նշել է հետևյալ անձանց անունները, որոնց մեղադրանք է առաջադրվել գործողության կապակցությամբ՝
Արա Արտունի, 41 տարեկան,
Ռոբերտ Ամիրյան, 46 տարեկան,
Վահան Հարութինյան, 50 տարեկան,
Լևոն Առաքելյան, 45 տարեկան,
Իվան Բոյորկես, 33 տարեկան։
Էսեյլիի գրասենյակը հայտարարել է, որ Արտունին և նրա հանցավոր խումբը գրանցվել են Amazon-ում որպես փոխադրողներ, պայմանագրեր են կնքել բեռնափոխադրման երթուղիների համար, ապա շեղվել են երթուղուց և գողացել են բեռը՝ ապրանքները տեղափոխելիս
ԱՄՆ դատախազի գրասենյակը հայտարարել է, որ եթե մեղավոր ճանաչվեն, ձերբակալված 13 անձանց սպառնում է 10 տարվա ազատազրկումից մինչև ցմահ ազատազրկում։
