Արդեն ավելի քանի 300 իրանական ընկերություններ են գրանցվել ՀՀ–ում և ներդրումներ իրականացրել տարբեր ոլորտներում։
Իրանական ընկերությունը Հայաստանում պողպատե ամրանների արտադրության գործարան է կառուցել: Ագարակում լրագրողների հետ զրույցում տեղեկությունը հայտնեց Հայաստանում Իրանի Իսլամական Հանրապետության դեսպան Մեհդի Սոբհանին։ Այս մասին հայտնում է Սպուտիկ Արմենիա-ն:
Անդրադառնալով հայ–իրանական տնտեսական կապերին և պատասխանելով հարցին, թե որքանով է իրանական ընկերություններին ձեռնտու ներդրումներ անել փոքրիկ Հայաստանումդեսպանը նշեց, որ արդեն ավելի քանի 300 իրանական ընկերություններ գրանցվել են ՀՀ–ում և ներդրումներ են իրականացրել տարբեր ոլորտներում։
«Հենց հիմա Արմավիր քաղաքում ունենք ընկերություն, որը գործարան է հիմնել, և շուտով կգործարկվի ամրանների արտադրման հոսքագիծը»,–ասաց դեսպանը։
Իրանական ընկերության աջակցությամբ է կառուցվում նաև Քաջարան-Ագարակ 32 կմ–անոց մայրուղին, որը անցման ժամանակահատվածը 1 ժամ 20 րոպեից կդարձնի 20 րոպե, իսկ ճանապարհի լայնությունը 6 մ–ից կդառնա 17 մետր։ Սոբհանիի խոսքով այս ճանապարհը կնվազեցնի վտանգները։
«Այս ամենը բխում է 2 երկրների շահերից, փոխադարձ շահեր ենք ակնկալում, այս շինարարական նախագծերը նպաստում եմ բեռնափոխադրումների, տնտեսության աճին»,– նշեց նա։
Խոսելով Մեղրիի ազատ տնտեսական գոտին չգործարկելու մասին` Մեհդի Սոբհանին նշեց, որ պատճառը ենթակառուցվածքների բացակայությունն է։ Իրանական կողմը բանակցում է ՀՀ էկոնոմիկայի նախարարության հետ, որպեսզի կարողանան այդ ծրագիրն իրագործել։
