Իրանի արտաքին գործերի նախարար Աբբաս Արաղչին մեկնել է Հռոմ՝ մասնակցելու Միացյալ Նահանգների հետ իրանական միջուկային ծրագրի հարցով ոչ ուղիղ բանակցությունների հինգերորդ փուլին, հաղորդում է IRNA-ն։
«Ժամանակն է որոշում կայացնելու»,- գրել է Իրանի ԱԳ նախարարը X սոցիալական ցանցում։
Օմանի միջնորդությամբ անցկացվող երկկողմ խորհրդակցություններին կմասնակցի նաև Մերձավոր Արևելքի հարցերով ԱՄՆ նախագահի հատուկ ներկայացուցիչ Սթիվ Ուիթկոֆը։
Արաղչիից բացի, իրանական պատվիրակությունը ներկայացնում են քաղաքական հարցերով փոխարտգործնախարար Մաջիդ Թախթ-ի-Ռավանչին, իրավական և միջազգային հարցերով փոխնախարար Քազեմ Ղարիբաբադին, ինչպես նաև այլ դիվանագետներ և փորձագետներ։
