Թուրքիայի զինված ուժերը ծրագրում են ռազմական բազաներ ստեղծել Սիրիայում՝ ահաբեկչության դեմ պայքարի շրջանակներում, կիրակի օրը հաղորդել է կառավարամետ «Türkiye» թերթը՝ հղում անելով թուրքական անվտանգության մարմինների աղբյուրներին։
Աղբյուրները թերթին հայտնել են, որ Անկարան օգնություն կցուցաբերի Սիրիայի իշխանություններին բանակի և անվտանգության ուժերի կազմակերպման հարցում։
«Աղբյուրները նշել են, որ Թուրքիայի զինված ուժերը Սիրիայում կստեղծեն ռազմաօդային և ռազմածովային բազաներ՝ «Իսլամական պետության» դեմ պայքարի համար», – հաղորդել է հրատարակությունը։
Նրա խոսքով՝ Սիրիայում հինգ երկրների, այդ թվում՝ Թուրքիայի միջև կանոնավոր հանդիպումներ են անցկացվում՝ ԻՊ խմբավորման դեմ պայքարի մեխանիզմը քննարկելու համար։ Չի նշվում, թե որ այլ երկրներն են բանակցություններին մասնակցում։
Աղբյուրները նշել են, որ Թուրքիան զգալի ներդրում կունենա Սիրիայի անվտանգության ապահովման գործում։
Աղբյուրների փոխանցմամբ՝ Թուրքիայի նախագահ Ռեջեփ Թայիփ Էրդողանի և ԱՄՆ առաջնորդ Դոնալդ Թրամփի հնարավոր հանդիպումը կօգնի լուծել սիրիական խնդրի հետ կապված մի շարք կարևոր հարցեր։
Այժմ թուրքական զորքերը հիմնականում գտնվում են Սիրիայի հյուսիսում։
