ԱՄՆ-ը փակել է Սիրիայում գտնվող երկու ռազմաբազա և մեկ այլը հանձնել քրդական «Սիրիական ժողովրդավարական ուժերին»՝ երկրում իր ռազմական ներկայության կրճատման շրջանակներում:
Ամերիկյան հրամանատարությունը վերջին մի քանի շաբաթների ընթացքում Արաբական Հանրապետությունից դուրս է բերել մոտ 500 զինվորականի, սաուդյան «Al Arabiya» հեռուստաալիքին ասել է Պենտագոնի խոսնակը։
«Մոտ 500 ամերիկացի զինվորական դուրս է բերվել Սիրիայից: Երկրում գտնվող երկու ռազմաբազաները փակվել են, իսկ մեկը հանձնվել է «Սիրիական ժողովրդավարական ուժերին»: Ամերիկյան զորքերի համախմբումը Սիրիայում անվտանգ է և միտումնավոր», – ամերիկացի պաշտոնյայի խոսքերն է մեջբերում «Ալ Արաբիան»:
