Եթե անդրադառնում ենք պատմությանը պետք է «երգից ոչ մի բառ դուրս չթողնենք». Աթանեսյան

Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.

«Որոշ մարդիկ վատ են զգացել, որ Թաթուլ Հակոբյանի հետ հարցազրույցում հիշեցրել եմ 1991թ. սեպտեմբերին Հայաստանի, Ադրբեջանի, Ռուսաստանի եւ Ղազախստանի նախագահների եւ Լեռնային Ղարաբաղի ու Շահումյանի շրջանի ներկայացուցիչների ստորագրած Ժելեզնովոդսկի կոմյունիկեն: Չէ՞ որ այն սահմանում էր, որ Հայաստանը եւ Ադրբեջանը պետք է չեղյալ ճանաչեն ԼՂ մասին ԽՍՀՄ սահմանադրությանը հակասող բոլոր որոշումները: Ցավոտ է, իհարկե:

Բայց եթե անդրադառնում ենք պատմությանը, պետք է, ինչպես ռուսներն են ասում՝ «երգից ոչ մի բառ դուրս չթողնենք»: Հակառակ դեպքում դա պատմություն չի լինի, այլ՝ իրականության քաղաքական շարադրանք՝ ըստ կոնյունկտուրայի»։