ԱՄՆ նախագահ Դոնալդ Թրամփը կարող է սեփական տեսակետն ունենալ ռուս-ուկրաինական հակամարտության վերաբերյալ, բայց Ռուսաստանի համար դա ազգային շահերի և անվտանգության հարց է. ասել է նախագահի մամուլի քարտուղար Դմիտրի Պեսկովը։
«Այստեղ, իհարկե, ԱՄՆ նախագահը կարող է սեփական տեսակետն ունենալ տեղի ունեցողի վերաբերյալ։ Մեզ համար սա գոյաբանական հարց է, սա մեր ազգային շահերի հարց է, մեր անվտանգության, մեր ապագայի և մեր երեխաների ապագայի, մեր երկրի ապագայի հարցը», – ասել է Պեսկովը։ «Մեզ համար կարևոր է, որ շարունակենք մեր շփումները Վաշինգտոնի հետ», – հավելել է նա։
Այսպես է Պեսկովը մեկնաբանել Թրամփի խոսքերը, որը Ռուսաստանի և Ուկրաինայի միջև ռազմական հակամարտությունը համեմատել է «երեխաների միջև կռվի» հետ։
