Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
Ազգային ամենաանմիաբան կառույցը կամ ինչպես նրա «երդվյալ պահնորդներն» են ասում՝ ինստիտուտը Հայաստանյայց Առաքելական Սուրբ Եկեղեցին է՝ իր էջմիածնական եւ անթիլիասկան թեմերի անհաշտ «մտերմությամբ», բայց ինքն է միաբանություն քարոզում:
ՀԱԵ-ն նաեւ ազգային ամենաանհանդուրժողական կառույցը կամ ինստիտուտն է, որ հայ կաթոլիկներին, ավետարանչականներին փաստացի հայ չի ճանաչել. կաթոլիկ Մկրտիչ Պեշիկթաշլյանի «Եղբայր եմք մենք» բանաստեղծությունն այդ մասին է: Բայց ինքն է հանդուրժողականություն քարոզում:
Ուստի նախ ինքը պիտի միաբանվի, սնուցի հանդուրժողականություն, ոչ թե ազգային պետության դեմ «Խադ», իսկ հանրային կյանքում «Հոհան եպիսկոպոսներ» բուծի: Եթե մարդիկ կարմիր գիծ չեն հատում, չի նշանակում, թե ասելիք չկա: Նրանք պարզապես չեն ուզում թշնամուն մեզ ծանակելու առիթ տալ:
