Երևանում փոշու պատճառներից մեկը Ջրաբերի ավազահանքերն են ու քամու միջոցով Երևան հասնող փոշին. ԱԺ-ում ասել է առողջապահության հարցերի մշտական հանձնաժողովի նախագահ Արսեն Թորոսյանը։
Նա հետաքրքրվել է՝ հնարավորություն չկա՞ ըստ իրավիճակի դադարեցնել նոր լիցենզիաների տրամադրումն ու գործող լիցենզիաների կատարման ընթացքը լուծել։
ՏԿԵ նախարար Դավիթ Խուդաթյանն, ի պատասխան, նշել է, որ վերջին շրջանում նվազել է ավազահանքերի նոր լիցենզիաների տրամադրման քանակը․
«Կարող ենք քննարկել երևանամերձ հատվածներում լիցենզիաներ չտրամադրելը, չնայած, պիտի ասեմ, որ վերջին մի քանի ամսում լիցենզիաների քանակն էապես պակասել է։ Եթե չեմ սխալվում, վերջին 3-4 ամսվա ընթացքում 1-2 դեպք կա»,- ասել է նախարարը։
Թորոսյանը հակադարձել է՝ վերջին լիցենզիան տրվել է հունվարին։
