Գեղարքունիքի մարզպետ Կարեն Սարգսյանը սոցցանցի իր էջում գրել է.
«Այսօր վաղ առավոտյան Գեղարքունիքի մարզի Ճամբարակ քաղաքի Տիգրան Մեծի փողոցի բազմաբնակարան շենքերից մեկում տեղի ունեցած գազի պայթյունի հետևանքների կապակցությամբ հրատապ աշխատանքային խորհրդակցություն անցկացրի Ճամբարակում։
Հանձնարարեցի իմ որոշմամբ ստեղծել կարիքները գնահատող աշխատանքային խումբ։
Հանձնարարեցի նաև մարզային բժշկական կենտրոններից ներգրավել հավելյալ բուժանձնակազմ և շտապօգնության մեքենաներ, ինչպես նաև անհրաժեշտ շինտեխնիկա՝ փրկարարական և վերականգնողական աշխատանքներին օժանդակելու նպատակով»։
