Իսրայելի բանակը գիշերը հարվածել է Իրանին, մասնավորապես, մայրաքաղաք Թեհրանին։
Իրանական լրատվամիջոցների փոխանցմամբ, Թեհրանի արևելքում գտնվող Նարմակ թաղամասում Իսրայելի հարձակման հետևանքով զոհվել է 5 խաղաղ բնակիչ, վիրավորվել՝ 20-ը։
Իսրայելի վարչապետ Բենիամին Նեթանյահուն հայտարարել է, որ իրենք թիրախավորել են Նաթանզում ուրանի հարստացման օբյեկտը և իրանցի միջուկային ֆիզիկոսներին։
Նա խոստացել է, որ գործողությունը կշարունակվի «այնքան, որքան անհրաժեշտ է»:
«Թշնամու հարձակումների հետևանքով զոհվել են մի շարք հրամանատարներ ու գիտնականներ։
Այս ոճրագործությամբ Սիոնիստական ռեժիմն իր համար դառը ու ցավալի ճակատագիր է պատրաստել»,- հայտնել է Իրանի հոգևոր առաջնորդ Ալի Խամենեին։
Նաև հաղորդվում է, որ Իսրայելի հարձակման հետևանքով մահացել է Իրանի Իսլամական հեղափոխության պահապանների կորպուսի հրամանատար Հոսեյն Սալամին։
