Պուտինն ու Էրդողանը քննարկել են իսրայելա-իրանական բախումները

Ռեջեփ Թայիփ Էրդողանն այսօր հեռախոսազրույց է ունեցել Վլադիմիր Պուտինի հետ:

Թուրքիայի և Ռուսաստանի նախագահները քննարկել են Իսրայելի և Իրանի միջև հակամարտությունը, երկկողմ հարաբերությունները և տարածաշրջանային խնդիրներ:

Ըստ թուրքական լրատվամիջոցների՝ Էրդողանը նշել է, որ Իսրայելի՝ Իրանի դեմ հարձակումները վտանգում են տարածաշրջանի անվտանգությունը: Նա ընդգծել է, որ Նեթանյահուի կառավարության օրենքներին հակասող կեցվածքը բացահայտ սպառնալիք է միջազգային համակարգի համար, և տարածաշրջանն այլևս չի կարող հանդուրժել նոր պատերազմ:

Էրդողանը հայտարարել է, որ Թուրքիան առաջին օրվանից կենտրոնացել է դիվանագիտական ջանքերի վրա՝ հարձակումները դադարեցնելու համար: Նա շեշտել է, որ Իրանի հետ խնդիրների լուծման միակ ճանապարհը դիվանագիտությունն է, և անհրաժեշտ է հնարավորինս շուտ վերադառնալ բանակցությունների սեղան:

Հեռախոսազրույցի վերաբերյալ մանրամասներ է հայտնել նաև Կրեմլը՝ տեղեկացնելով, որ առաջնորդները կողմ են արտահայտվել ռազմական գործողությունների անհապաղ դադարեցմանը և վիճելի հարցերի՝ դիվանագիտական մեթոդներով կարգավորմանը:

Բացի այդ, Վլադիմիր Պուտինը հայտնել է իր երախտագիտությունը թուրքական կողմին՝ Ռուսաստանի և Ուկրաինայի միջև ուղիղ բանակցությունների կազմակերպմանն աջակցելու համար:

Թիվ 1